ShRoOoq

Very Excellent

الاسلام

اظفر بذات الدين

ممكن كلمة يا عم امين ؟؟!

اصل انا عارف انك راجل لف كتير

و اتعلمت سنين و سنين

إيه الحب ؟!!

تقصد إيه بالحب يا ولدي؟!

حبك إنت و غيرك و لا الحب الصح . .

اللي بدايته عقل و قلب ؟!

هو فيه فرق يا عم امين ؟!

طبعا فيه . .

حبك يبقى حب ما بين اتنين تايهين

وصفه في بالهم شئ متبادل بين قلبين

قلب يعيش فرحان متهني و قلب حزين

حبك يبقى يادوب كام كلمة من الاوهام

يعني الاصل كلام في كلام

حبك فيه واحد يتمرد ع التانيين

زيف يتسمى غرام و حنين

اما الحب في عرفي يا ولدي

هو حنين لفتاة اتربت وسط الدين

تعرف رضا مولاها منين

واحدة تصوون نفسها بخمار ... بعفاف ... بصلاة ... بدعاء ...

واحدة طريقها نوره مبين

واحدة تغلف نفسها دايما ضد العين

و واحد نفسه في زوجه تصونه

ميشوفهاش غير بس عيونه

فبيطلبها تكون ليه زوجه

من غير سكة بلفات عوجة

من غير غنا من غير تلحين

يحلم يدخل بيها الجنة

مش مستعجل

عارف ان اوان الرحمة لسه مجاش

يصبر يستنى

نفسه يعيشوا في دين و امان

تحت ظلال سنة و قرآن

يحلموا بالذريه الصالحة

تبقى بنات او تبقى بنين

قولي يا ولدي . . بعد كلامي عرفت طريقك يبقى منين ؟!

ايوه عرفت يا عم امين . . . طب عن اذنك !!

رايح فين ؟!!!!!

انا مستعجل . . . لازم اجرب الحق نفسي . . هظفر و الله بذات الدين

===================

ادعوا اخواتى فى الله ان ينضموا عبر حسابهم على الفيس بوك الى تتطبيق الدعوى


 

المواضيع المشابهة

عودة
أعلى