1. أسئلة الأعضاء

    أسئلة الأعضاء عضوية طرح الأسئلة

    x
    الفكر غنى والقوافي طوابير
    وهاضت هجوسه واستمدة لحونه
    وزاد الكلام إلي على غير تبرير
    الـهـرج واجد والـعرب يسمعونه
    لاكن ترى عِندي تمعن وتفسير
    أحدن سمع واحدن تشاهد عيونه
    ربعي قبيلة حرب تفرق عن الغير
    هـذاالـصـحـيـح وكلكم تعرفونه
    يوم المواقف بين ورد ومصادير
    عـدوهـم فـي ديـرته يـاصلونه
    اليأختلط عج الرمك والمعاصير
    إللـي يقـف بنحورهم يدعسونه
    خـويـنـا يـلـقى معزه وتقدير
    وقـصـيرنا كـل العرب يذكرونه
    تشهد به العربان ياحرب ومطير
    جارالبلالي مارخص العمر دونه
    وماقف نويشي يرفع الراس ويثير
    وادري وجيه االخير مـايجهلونه
    والـوايلي هلت دموعه شخاتير
    يـبـكي علـى جيرانه اللي يبونه
    يسوق مظهوره ويارد على البير
    يـارد ويـشـرب قـبلهم ياردونه
    هاذا الكلام اللي على غير تزوير
    تـذكـيـر للـي فـعـلنا يجحدونه
    نعم بكم يامطير روس ومشاهير
    فـيـكم قساوة راس فيكم ليونه
    لسلم خير ولشريعه مناصير
    ولـيـا طـلـبتـم حقكم تاخذونه
    اللي يجازي راعي الخير بالخير
    مـحـشوم بين الناس ويقدرونه
    وكـلً بـفـعـله يارجال المناعير
    من طـاب فعله لابته يشكرونه
    الشاعر مصلح السليمي

    ابو ناصر الحربي (مبارك البشري)Google إجابات


    أكثر...
     

مشاركة هذه الصفحة