تمتعى بأرجل وردية وجميلة بدون تكاليف

الموضوع في 'قسم الأسرة والطفل - Family and child' بواسطة ShRoOoq, بتاريخ ‏13 مارس 2016.

  1. ShRoOoq

    ShRoOoq Very Excellent

    x
    انهاردة لكل البنوتات الحلوين والستات برضوا والبنات الى فرحهم قرب وكدا

    انهاردة معايا وصفة جميلة اوى
    هتساعدك على ترطيب رجليكى ونضافتهم ولمعانهم وكمان يكون كعب رجلك كدا لونه وردى وجميل

    اول حاجة وانتى قاعدة فاضية كدا بتتفرجى على التلفزيون
    هتجيبى طبق بلاستيك وتحطى فيه مية سخنة على اد رجليكى ما تستحملها وتكونى حاطة فيها شوية شاور جل كدا مدوباهم فى المية شوية محترمين وتحطى رجليكى وانتى قاعدة قدام التلفزيون كدا على اد مانتى قاعدة ساعتين تلاتة اربعه على اد ما تقدرى

    والخطوة الى بعد كدا هاتى المية على جمب مترمهاش استنى
    وتجيبى شوية دم الغزال البودرة من عند العطار واى فرشة رجلين او فرشاة اسنان قديمة
    وتكونة مدوبة معلقتين دم الغزال فى مية دافية قليلة يبقى مش عجين ومش سايح اوى
    وتغمسى الفرشة وتعملى رجليكى من تحت كدا والكعب وكدا كويس وهتلاقيها احمرت اوى وانتى بتدعكى على طول تروحى تغسليها كويس اوى وبعدين تحطيها تانى فى المية ربع ساعه

    واخر حاجة بقى بعد ما تنشفى رجليكى كويس تروحى جايبة المرهم ال (كارباميد)كلنا عارفينه
    وتدهنى رجلك وتلفيها بفوطة سخنة وتنامى
    وهتصحى تتفاجأى ان شاء الله
     

مشاركة هذه الصفحة