مارايك فى الشيوخ الوسطيين من امثال عمرو خالد ومصطفى حسنى؟

الموضوع في 'أسئلة لم يتم الاجابة عنها بعد' بواسطة أسئلة الأعضاء, بتاريخ ‏7 يونيو 2014.

  1. أسئلة الأعضاء

    أسئلة الأعضاء عضوية طرح الأسئلة

    x
    انا رايي ان الدعاة الوسطيين دول ينفعوا اكتر مدربى تنمية بشرية زي ابراهيم الفقى كده(شفت ربنا بيحبك ازاي) (على قد مابتحب ربنا على قد ما حيديلك)
    رايي الشخصى انهم مدلسين مش بيجيبوا الحقيقة كلها عشان بيجملوا النصوص زيادة عن اللزوم وعشان هو بيعمل كده بيقع فى اخطاء زي مثلا ممكن يجيب حديث ضعيف بس علشان بيعمل معاه شغل حلو فى اظهار سماحة الدين بيقوله وفى نفس الوقت مابيقولش الاحاديث الصحيحه(او قطاع كبير من المسلمين شايفينها صحيحه وبيكفروا اي حد بيشكك فيها)

    انا رايي ان علشان الدعاة دول مش بيقولوا كل الحقيقه وبيحاولوا يجمعوا بين حقوق الانسان مثلا والدين تلاقيهم مابيصمدوش مع مناظرة مع شيخ سلفى ملتزم بالنص بالضبط زي ابواسحق الحوينى كده لان الشيخ السلفى حيجيب له كل النصوص اللى هو بيخبيها ومش عاوز يقولها لانه مكسوف يقولها وحيطلع من المناظرة وهو مش عارف يتكلم بكلمه زياده اصلا

    يعنى مثلا لما الداعية الوسطى يتكلم فى علاقة المسلمين باهل الذمة حيجيب لك النصوص الضعيفة بس عشان هو شايفها بتحمل معنى جميل هو بيقولها زى حديث من اذى ذميا فقد اذانى اللى هو حديث مش موجود فى البخارى ومسلم اصلا وحينكر او مش حيقول النصوص القويه اللى موجودة فى كتب صحاح 90% من المسلمين بيكفروا اي حد بيشكك في صحتها زي صحيح البخارى ومسلم كده اللى بتقول (لاتبدأوا اليهود والنصارى بالسلام وأذا سلموا عليكم فقولوا وعليكم واذالقيتموهم في طريق فاضطروهم الي أضيقه )

    وحديث لا يقتل مسلم بكافر وغيره

    وبرضه لما يتكلم عن ان الدين اعطت حقوق للمراة استحاله حيقول حديث بيقول إذا باتت المرأة هاجرة فراش زوجها لعنتها الملائكة حتى تصبح

    علشان كده انا من رايي ان الشيوخ الوسطيين مش بيصمدوا عند اى مناقشه لانهم بيحاولوا يوفقوا بين النصوص وحقوق الانسان وبيجملوها زياده على اللزوم فممكن يتكلم فى حديث ضعيف ومايقولش حديث تانى قوي طيب انت ايه معاييرك مثلا فى ان انت ترفض حديث قوى رفضته على اساس ايه ماهو المستمع ممكن يقلب على قناة تانيه ويشوف شيخ سلفى تانى بيقول الاحاديث اللى انت مكسوف تقولها وبكده المهمه بتاعتك فى اظهار الدين حلو باظت

    انا من رايى ان عدنان ابراهيم بيعمل كده بس بطريقة اقل بكتير لكن الدعاة الوحيدين اللى هم يتقالوا عليهم وسطيين بجد وبيقولوا الاسباب اللى خليته يقول على حديث صحيح انه ضعيف ورفضه على اساس ايه وبيوضح كل حاجه اللى بشفته بيعمل كده هو جمال البنا وسعد الدين الهلالى علشان كده انا باعتبرهم احترافيين اكتر من عمرو خالد ومعز مسعود وممكن لو عملوا مناظرة مع شيخ سلفى ملتزم بظاهر النص حيعرفوا يردوا عليه ويصمدوا فى المناظرة اكتر

    alex_ghost (???? ????????) Google إجابات - العالم العربي - الإسلام - مصر - الثقافة والأدب


    أكثر...
     

مشاركة هذه الصفحة